أنساك - عزف على الأورج
أنساك - عزف على الأورج
ألحان: بليغ حمدي
كلمات: مأمون الشناوي
انساك
ده كلام ؟
انساك ياسلام !!
اهو ده اللي مش ممكن ابدا
ولا افكر فيه ابدا
ده مستحيل قلبي يميل ويحب يوم غيرك ابدا
اهو ده اللي مش ممكن ابدا
------------------------------------
ولا ليله ولا يوم انا ذقت النوم ايام بعدك
كان قلبك فين وحنانك فين
كان فين قلبك كان فين قلبك
انا انسى جفاك وعذابي معاك ما انساش حبك
انساك ده كلام ؟
انساك ياسلام
واحب تاني ليه واعمل في حبك ايه
ده مستحيل قلبي يميل ويحب يوم غيرك ابدا
اهو ده اللي مش ممكن ابدا
------------------------------------
ذكريات حبي وحبك ما انسهاش
هي ايامي اللي قلبي فيها عاش
فيها احلام قلتها وحققتها لي
وفيها احلامي لسه انا ما قلتهاش
اللي فات من عمري كان لك من زمان
واللي باقي منه جاي لك له اوان
واحب تاني ليه واعمل في حبك ايه
دا مستحيل قلبي يميل ويحب يوم غيرك أبدا
اهو ده اللي مش ممكن ابدا
------------------------------------
كان لك معايا اجمل حكايه في العمر كله
سنين بحالها مافات جمالها على حب قبله
سنين ومرت زي الثواني في حبك انت
وان كنت اقدر احب تاني احبك انت
كل العواطف الحلوه بيننا
كانت معانا حتى في خصامنا
وازاي تقول انساك واتحول
وانا حبي لك اكتر م الاول
واحب تاني ليه واقول لقلبي ايه
دا مستحيل قلبي يميل ويحب غيرك ابدا
اهو ده اللي مش ممكن ابدا
