مشاركة فيديوهات ومقالات بالعربية

10 نصائح للشاب عن اداب الطعام عند أول عزومة لصديقته / خطيبته على المطعم .....

0.00 - (0 تقييمات)
نشرت
1200
مشاهدات
2
تعليق

ابلاغ Report

10 نصائح  للشاب عن اداب الطعام عند أول عزومة لصديقته / خطيبته  على المطعم .....

10 نصائح  للشاب عن اداب الطعام عند أول عزومة لصديقته / خطيبته  على المطعم ..... 

1-  أولاً  لازم تعرف إن الشوكة والسكينة بينمسكوا من إيديهم من الطرف يعني مش من الوسط  ولا من فوق ولا من البوز زي الخنجر (تذكَر انك مش رايح على غوشة) .

 2-  الخبز أوعى تفضحنا وتقطعه بسنانك..... ولا الرغيف نصين بأيدك وكل نص لقمة وتحشر.. أوعى.. الخبز بيتقطع بالسكينة في الصحن.. وبعدين تاخد  لقمة.. لقمة.. شوي .. شوي  قال يعني نفسك مسدودة..

3-  الشوربة.. أبوس كعب رجلك.. بند الشوربة هذا مهم جدًاااا.. الشوربة تنشرب من غير صوت بالمرَة.. ومن غير ماتقعد تنفخ فيها.. زي القهوجي اللي بينفخ في الحجر للزبون.. وطبعًا لازم تنسى تمامًا الصحن اللي بترفعه على تمَك في البيت.. وتدلدق على روحك..
بالمعلقه وبدون صوت... سخنة و مولعة برضه بدون صوت.. وبتترك تلت الصحن على الأقل... مش تمَيله.... عشان تلهطها لآخر نقطة......

4- الرز طبعاً .. بيتاكل بالشوكة.. أوعى إيدك تنمد على المعلقة.. وتغرف من جاط الرز وتعبي.. إوعى.. الرز بالشوكة.. وكأنك بتبوسه مش بتاكله...

5-  المعكرونة.. الاسباغتي.. برضه بالشوكة.. تلتف على طرف الشوكة.. لحد ما تخلص وبعدين تحطها في تمَك عالساكت.. مش تشفط المعكرونة عود عود..

6-  السمك.. مشكلة.. شوف... 
بتفصل اللحم عن الشوك.... كيف..؟؟ تقطع اللحم من النص.... بالطول وبعدين تفرد اللحم على الجانبين ولما تخلص ناحية.. متقلبش السمكة.... بلاش فصحنة... شيل السلسله بالشوكة والسكينة , وحطها في جنب الصحن وكمَل أكل النص التاني... وبدل هالفيلم الهندي.. نصيحة.. ماتكلش السمك بالمرَة.. قول مابحبش السمك وخلص نفسك...

7-  القريدس.. -إذا كنت عارفه-.. أول ما صحن القريدس ينزل... انظر له بقرف واحتقار شديدين.. آل يعني زهقان من كتر أكل القريدس في بيت بابا.. وأتنهد جامد وقول.. كمان..؟؟؟ 
وبتقطع راس حبة القريدس  بالشوكة والسكينة.. أنا في عرضك إنسى المصمصة بهالوقت..
 

8-  البطاطا سواء مقلية أو مسلوقة أو محمرة... أوعى تكمش بإيدك او تهرسها وتدبها على الرز وتبدأ ....لا..لآ...لآ...بالشوكة حبة حبة وإنت زي كأنك بدك  تعيَط من كتر ما انت شفقان على البطاطا ....

9-  الفاكهة.. لو الفاكهة فيها بذر.. طلعه من تمَك شوي شوي وحطَه في إيدك وهي مقفولة.. وبعدين في طفاية السجاير اللي على الطاولة.. أوعى ياحبيبي من نظام التفتفة للبذر.. إنسى....

10-  ولما تخلص أكل تحط إيدك على بطنك.. -اللي عصافيره بتصاصي من العيَنات اللي أكلتها-.. وتقول لها مش قادر.. أنا عمري ما انفجعت هيك.. أنا أمامي أسبوع مش راح أكل فيه.....

وبعدين تمسك الفوطة اللي دايمًا موجودة ع الطاولة من غير لازمة.. وتبوسها.... آل يعني بتمسح تمَك.. 
وبعدين تستأذن منها لدخول الحمام .. وبتدخل المطبخ وبتقول للجرسون يعطيك رغيف الفلافل اللي اشترالك اياه حسب اتفاق مسبق بينكم, بدون معرفة صديقتك / خطيبتك, وبتروح سالخ رغيف الفلافل بسرعة .. وبالهنا والشفااااااااااااا

ولما ترجع على الطاولة, بتطلب تدفع الحساب, وما تنسى تزيد عليه الاكرامية (التيب), بدك تتفصحن يعني, بس انتبه انو الامرامية تغطي بالأقل ثمن رغيف الفلافل اللي جبلك اياه الجرسون, بلا بهدلات .................

1200
مشاهدات
2
تعليق

ابلاغ Report

تصنيف: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
جاري التحميل