آمال ماهر - لسه فاكر
آمال ماهر تشدو برائعة كوكب الشرق السيدة أم كلثوم " لسه فاكر "
لسه فاكر قلبي يدي لك أمان
ولا فاكر كلمه ح تعيد اللي كان
والا نظره توصل الشوق بالحنان
لسه فاكر كان زمان .. كان زمان
كانت الأيام في قلبي دموع بتجري
وانت تحلالك دموعي وهي عمري
ياما هانت لك وكانت كل مره
تمحي كلمة من أماني فيك وصبري
كلمة لما راح الهوى ويا الجراح
واللي قاسيته في ليلي اتنسى ويا الصباح
والنهار ده الحب والشوق والحنان
لما تسألني أقولك كان زمان
لسه فاكر كان زمان ..
ياما حليت لك آهات قلبي وهيّ
من قساوتك انت والأيام عليّ
كنت تسمعها نغم واسمع صداها
نار تدوب حبنا شوية شويه
النغم رجعت حلاوته القلب وفضلك اساوته
الهوى اللي هان عليّ ابتديت تعرف غلاوته
النهار ده الحب سيره كان زمان
لما تسألني أقولك كان زمان
لسه فاكر كان زمان ..
والليالي كنت بتسمي الليالي
لعبة الخالي وهي عمر غالي
كنت أبات أسأل عليك ظني ودموعي
وانت متهني بحيرتي وانشغالي
قل لي إيه قصدك معايا
بعد ما عرفنا النهاية
انت جيت مشتاق لحبي
ولا لدموعي وأسايا
النهار ده الحب سيره كان زمان
لما تسألني أقولك كان زمان
لسه فاكر كان زمان
كلمات : عبدالفتاح مصطفى
ألحان : الموسيقار رياض السنباطي
مقام : عجم
